Ermənistanla Hindistanın yaxınlaşması əvvəllər mövcud olmayan tamamilə yeni əməkdaşlıq oxudur. Bu həftə Ermənistanın müdafiə naziri Suren Papikyan Yeni Dehlidən qayıdıb və orada Zaqafqaziya respublikasına Hindistan silahlarının tədarükü ilə bağlı bir sıra görüşlər keçirib.
Tərəflər bir sıra yeni müdafiə sazişləri imzalayıblar. Qeyd olunur ki, bir neçə həftə əvvəl iki ölkə Ermənistanın Hindistandan “Pinaka” reaktiv yaylım atəş sistemləri, tank əleyhinə “Konkurs” raket kompleksləri, 80 millimetrlik minaatan və digər silahlar alınmasına dair hökumətlərarası saziş imzalayıb. Bundan başqa, Ermənistan Hindistanın Tata Advanced Systems Limited (TASL) və Solar Industries şirkətləri tərəfindən hazırlanmış Hindistanın “Akaş” zenit-raket kompleksləri və kamikadze PUA-larının alınması imkanlarını nəzərdən keçirir.
İndi Yeni Dehli “Fars körfəzi-Qara dəniz” İTC-nin tikintisində Ermənistanın mühüm strateji tərəfdaşına çevrilmək niyyətindədir.
Bəzi ekspertlər hesab edir ki, ölkələr Türkiyə, Azərbaycan və Pakistan arasında dostluq və yaxın münasibətləri balanslaşdırmaq üçün birləşirlər.
Keçən ay Hindistanın “The Economic Times” qəzetinin redaktoru Pranab Dhal Samanra “Hindistan “üç qardaş”ın Ermənistanda və başqa yerlərdə təhlükəli macəralarına göz yuma bilməz” başlıqlı məqalə dərc edib.
Təhlilçi xəbərdarlıq edib ki, əgər bu ölkələr Cənubi Qafqaza “sement” töksələr, digər regionlarda, xüsusən də Kəşmirdə, Hindistan və Pakistan arasında gərginlik ocağı olan mübahisəli ərazidə əməkdaşlıq edə biləcəklər.
Türkiyə və Azərbaycan hər zaman Pakistanın Kəşmirlə bağlı mövqeyini dəstəkləyib.
Pakistan öz növbəsində Qarabağda Ermənistanla hərbi toqquşmalarda Azərbaycanı dəstəkləyib. Samanra vurğulayır ki, Rusiyanın Ukraynada başının qarışdığı bir vaxtda Ermənistanın mövqeyi yəqin ki, Hindistanın maraqlarına uyğundur.
Tərəflər hərbi əməkdaşlıq quraraq, kəşfiyyat məlumatlarının mübadiləsi və “terror təhlükəsi ilə mübarizə” üçün ümumi təhlükəsizlik mərkəzi yaratmaq niyyətindədirlər.
Hindistan hakimiyyəti Rusiya qəflətən öhdəliklərini pozmağa başlayarsa, İrəvana hərbi yardım göstərəcəklərindən çıxış edir.
Bu günlərdə Ermənistanın baş naziri Nikol Paşinyan açıq şəkildə Moskvaya eyham vuraraq “bunun üçün milyonlarla dollar ayrılsa da, bəzi müttəfiqlər silah vermir” deyib. Bununla belə, Dehli vurğulayır ki, o, yalnız Moskvaya kömək etməyə çalışır, ona heç bir təhlükə yaratmır.
İndi Ermənistan ərazisində Rusiyanın Gümrüdəki hərbi bazası ilə yanaşı, Aİ-nin mülki missiyası da yerləşir.
Lakin belə çıxır ki, Ermənistan nəinki Rusiya ilə Qərbin qarşıdurma mərkəzinə çevrilir. İndi Hindistan Pakistan bu regionda nüfuz uğrunda yarışacaq. Tehran isə bu Zaqafqaziya respublikasından iqtisadi vəziyyətini yaxşılaşdırmaq üçün istifadə edəcək. Bəs bütün bunlardan Ermənistanın özü faydalana bilərmi?
27sentyabr.az
