ABŞ-da yeni evlərin satışı bu ilin iyul ayında altıncı dəfə azalıb ki, bu da 2016-cı ilin əvvəlindən bəri ən aşağı tempdir. Yüksək borclanma xərcləri və tələbatın azalması səbəbindən mənzil bazarında pisləşmə müşahidə olunur.
Ötən həftə açıqlanan məlumatlar, mənzil tikintisinə başlanğıcların 2021-ci ilin əvvəlindən bəri ən yavaş tempinə düşdüyünü, bazarın böyük hissəsini təşkil edən mövcud ev satışlarının iki ildən çox müddətdə ən aşağı səviyyəyə endiyini göstərir. Hökumətin rəsmi məlumatlarına əsasən, iyun ayı üçün yenidən işlənmiş yeni ev alışları 585.000-dən illik 12.6% azalaraq 511.000-ə düşüb. “Bloomberg” iqtisadçıların sorğusunda median təxmin isə 575.000 idi.
Tikinti yavaşlaması, ev alqı-satqısı təcrübələrinin azalması və alıcıların sövdələşmələrdən üz döndərməsi fonunda iyul ayında satışların azalması mənzil bazarının yüksək qiymətlər və artan borclanma xərclərinin ağırlığı altında necə çökdüyünün ən son nümunəsidir.
Önümüzdəki aylarda ev qiymətlərinə aşağı təzyiq göstərəcək tələbin azalması isə səhmləri yüksəldir. Ay sonunda satış üzrə 464.000 yeni ev qeydə alınıb ki, bu da 2008-ci ildən bəri ən yüksək göstəricidir. Halbuki onların 90%-i ya hələ tikilməkdə və ya tikintisinə başlanılmaqda idi.
Pünhan Musayev, Sosial Tədqiqatlar Mərkəzi / Sosial-iqtisadi tədqiqatlar departamenti.
